Kun.uz'га боғланиб, шахси сир қолиш шарти билан маълумот улашган манбанинг айтишича, 19 август куни Нурафшон шаҳар бўлими бошлиғи Миркарим Аҳмаджонов йиғилиш ўтказиб, унда қўл остидаги ходимлар ҳамда ёшлар етакчиларини куракда турмайдиган сўзлар билан ҳақорат қилган.
Тошкент вилоят ҳокимлиги вакили биз билан суҳбатда ушбу овоз Ёшлар ишлари агентлиги Нурафшон шаҳар бўлими бошлиғи Миркарим Ахмаджоновга тегишли эканини тасдиқлади.
Ёшлар ишлари агентлиги Kun.uz сўровига жавобан аудиоёзув юзасидан ўрганиш бошланганини маълум қилди. Кўп ўтмай, Аҳмаджонов ишдан олингани маълум қилинди.
Эътиборлиси, раҳбар йиғилишда аёллар ҳам бўлганига қараб ўтирмаган. Ходимлардан бирининг аёлларни чиқариб юбориш ҳақидаги таклифини эса рад этган. Қуйида суҳбат стенограмма уятли сўзларсиз келтириб ўтилади.
— Маҳаллангга борса ... …, ... … Ёшини билмайди ... … Сан-чи?
— Кеча телефон қилган пайтингиз “срочно” уйдан телефон бўлиб қолди.
— Сан … … Телефондан қайтиб чиқмайсанми сан бола? Эслолмаяпсанми, эслатиб қўяйми санга, қайтиб чиқмайсан телефон қилганда. … ... агар ҳаммангни... битталаб ... любойингга чиққин. Любойингга чиқ!
— Битта гап айтсам бўладими? Қизлар чиқиб турса бўладими?
— Тураверсин қизлар. Неччида келдиларинг санлар? Ман неччида кириб кетдим уёққа?
— 5:30 миди, 15 та кам 5 миди… Бошқа қайтарилмайди…
— Йўқ, бундоқ маҳаллангда нимадир қойиллатиб қўйган бўлсаларинг ҳам майли-да. … … нарса-да: кунлик маълумотни расм оласан, берган жадвалга шуни қўйиб берасан, ҳоким ёрдамчиси билан хотин-қизлар орқасидан ўтказиб қўясан бўлди, булар бир соатлик иш ман учун. Бир соатда қилиб ташлайман бу маълумотларнинг ҳаммасини.
Манга ҳам керак эмас санларни мана бу ерга йиғиб олиб. Санлар тушунмаяпсанлар, ўшанинг учун йиғдим. Бўлмаса маҳаллангни ишини қилганларинг яхши-ю манга. Бир ойдан бери айтаман, Наманган тажрибаси деб, бирортанг тушунмайсанлар. Тўртта маҳалла … Олдин ош бериб қўйгансан бўлди-да, муаммоли ошни. Санларга ёқвоттими, шунақа сассиқ гап ёқвоттими санларга? Икки соат олдин айтсам, ярим соат кеч келасанлар ... Бирортангни гапираётганим йўқ, мана, ярим соат кеч келганларинг.
Сан-чи, Рўзиматилла? Яхшиликка ош-пош қилиб жавоб беряпсанми сан манга?
— Нега? Ман кеча лекин “срочно” кетиб қолдим. Бу ерга келдим, 7 да кетдим, дори олиб боришим керак эди. Болаларга айтиб кетдим.
— Санга нима, болалар хўжайинми бу ерда?
— Йўқ, сиз йиғилишда эдингиз. Уйдагилар телефон қилди, дори олиб кел тезроқ деб, олиб бордим кейин.
— Ишларинг чиқса, манга телефон қилиб, SMS ёзиб қўясанлар-ку, бунақа пайтда эсларингдан чиқиб қоладими санларни, а? Сиз-чи?
— Ман SMS ёзгандим, жавоб бермадингиз. Биз соат 7 ларда ошганда кетдик бу ердан.
— Ишга кираётганларингда ишлайман, олиб бораман деганмисизлар, оилавий муаммо демаганмисизлар? Мафтуна, сизга ҳам тегишли, шунақа демаганмисизлар?
Сан-чи? Сани умуман топиб бўлмайди. “Раҳбарим қаттиққўллик қивотти манга, шу муносабат билан аризамни ёзаман” деб ёз. Мана, ёз.
— Бўлди, бошқа қайтарилмайди. Вазият шунақа бўлиб қолди-да, энг қизиғи, яна ҳаммага шунақа тўғри келиб қолди.
— Э, вазиятинг бўлса, телефон қиласан манга, манга кийдирмагин унақа вазиятингни. Тушундингми? Ёз, Отажон. Ёқмаяптими иш?
— Нимага, ҳаммаси жойида.
— Санга-чи? Санга? Бахтиёр, Дилшод? Санга, Рўзиматилла?
— Ёқмаганда бу ерда юрмасдим.
— Сизга?
— Муаммо йўқ, энди кеча шунақа бўлиб…
— Мафтуна?
— А бошқа пайт ишлаяпмиз-ку, бошқа пайтдаги билинмаяпти.
— Қайси? Қайси?
— Соат тўққизгача ҳам юрибмиз-ку.
— Қаерда тўққизгача юрибсиз?
— Кечадан олдинги кун тўққизгача юрдик-ку ёнингизда, ўша айтганингиз учун. Энди кеча битта кетиб қолганимизга шу билиниб кетвоттими ҳозир?
— Қайси тўққизгача? Ҳашарни айтяпсизми?
— Ҳа, ҳашарни айтяпман.
— Ҳашар ман учунми?
— Нима фарқи бор, сизни ёнингизда ҳаммамиз юрибмиз-ку сиз айтганингиз учун, бир оғиз айтган гапингизга.
— Ҳозир сизлар хавфсизлик айтганини менинг анақамга йўяяпсизларми?
— Нима фарқи бор, сизни ёнингизда турибмиз-ку биз, сиз бизнинг бошлиғимиз бўлганингиз учун. Энди унақа бўлмайди-да, ундан ташқари ҳам турибмиз. Ман гапирсам ҳозир талашаётган бўламан, тўғри. Лекин қачон айтсангиз ёнингизда турибмиз-ку, ё турмаяпмизми?
— Э, қойиллатвотти-да кўпчиликларинг.
— Қўяверинг энди, бир мартага бўлса ҳеч нарса қилмайди-ку.
— Нега қўяман, нега қўяман? Ман эрталаб ҳайфсан олдим, қайси биринг туриб берасан манга шу ерда? Қани, қай биринг туриб берасан? Туриб берасанми? Қани, мардинг борми туриб берадиган манга эрталабда? Гапир! Эрталаб ҳайфсан олдим ҳокимдан. Борми мардинг мана шу ерда туриб берадиган манга? Оғзингни кўпиртириб гапирасанлар манга битта-битта ... …
Ишлаётган бўлсаларинг, ўзинг учун ишлаяпсан, ман учун ишлаётганларинг йўқ бу ерда. Манам оилам учун ишлаяпман, санам ўзларинг оиланг учун ишлаяпсанлар. Худди манинг қорним учун ишлаётгандай гапирасанлар … Ҳали ҳам кеч эмас, мана. Бўлди, ёқмаётган бўлса қўй, ёзларинг қўй. Ман шундай айтаман, вакантим шунча дейман. Боя ҳоким айтди: “Нечта ходиминг бор?” деди. “Бир ўзимман” дедим, “мутахассисим ҳам йўқ” дедим. “Демак, етакчиларинг билан гаплашмаяпсан” деди. Мана, Жавоҳир ака турибди ўша ерда. “Шуғулланмаяпсан” деди
