УЕФА Чемпионлар лигасининг 2026/27 йилги мавсуми асосий босқичида иштирок этадиган клубларнинг тўлиқ рўйхати маълум бўлди.
26 август куни турнир саралаш босқичининг плей-офф раунди якуний ўйинлари бўлиб ўтди. Натижаларга кўра, Туркиянинг «Фенербахче», Грециянинг АЕК, Норвегиянинг «Викинг» ва Словакиянинг «Слован» жамоалари асосий босқичга йўлланмани қўлга киритди.
Шу тариқа, Чемпионлар лигасининг умумий босқичида 36 та жамоа иштирок этади:
«Арсенал», «Астон Вилла», «Ливерпул», «Манчестер Сити», «Манчестер Юнайтед» (барчаси – Англия), «Атлетико», «Барселона», «Бетис», «Реал», «Вилярреал» (барчаси – Испания), «Интер», «Комо», «Наполи», «Рома» (барчаси – Италия), «Бавария», «Боруссия» (Дортмунд), «Лейпциг», «Штутгарт» (барчаси – Германия), «Ланс», «Лилл», «Пари Сен-Жермен» (барчаси – Франция), ПСВ, «Фейеноорд» (иккаласи – Нидерландия), «Порту», «Спортинг» (иккаласи – Португалия), «Брюгге» (Белгия), «Галатасарой», «Фенербахче» (иккаласи – Туркия), «Шахтёр» (Украина), «Славия» (Чехия), «Сабаҳ» (Озарбойжон), ЛАСК (Австрия), «Будё-Глимт», «Викинг» (иккаласи – Норвегия), АЕК (Греция) ва «Слован» (Словакия).
Асосий босқич қуръа ташлаш маросими 27 август куни Монакода бўлиб ўтади. Бу босқич ўйинлари 2026 йил 8 сентябрдан 2027 йил 27 январга қадар давом этади. Плей-оффнинг дастлабки ўйинлари 16 ва 17 февраль кунларига режалаштирилган.
Турнир финалига Мадриднинг «Метрополитано» стадиони мезбонлик қилади – ҳал қилувчи баҳс 2027 йил 5 июнь куни ўтказилади.
