Аппарат илғор ишлаб чиқариш технологияларига ихтисослашган Divergent Technologies компанияси билан ҳамкорликда ишлаб чиқилмоқда.
AEVEX маълумотига кўра, Specter модулли корпус асосида қурилган. Бу аппарат конструкциясини тўлиқ қайта ишламасдан, вазифага мос ускуналарни алмаштириш имконини беради.
Фойдали юкни ўрнатиш учун асосий қисм сифатида алмаштириладиган бурун секцияси хизмат қилади. Платформа ривожлантирилиши давомида операторлар аппаратни турли вазифаларга мослаштира олиши кўзда тутилган.
Компания эҳтимолий фойдали юк вариантлари қаторида нишонни жисмонан шикастлашга мўлжалланган кинетик зарба воситалари ва радиоэлектрон кураш ускуналарини келтирган. Шунингдек, аппарат разведка ва кузатув тизимларини ҳам олиб юриши мумкин.
AEVEX ҳозирча Specterʼнинг максимал тезлиги, парвоз масофаси, ўлчамлари ва фойдали юк массасини очиқламаган. Серияли ишлаб чиқаришни бошлаш муддати ҳамда аппаратни олиши мумкин бўлган буюртмачи ёки операторлар номи ҳам маълум қилинмаган.
