Болаларни автомобилда қандай ташиш керак?

Yandex Market’да етказиб бериш муддати товарнинг буюртма қилиш пайтида кўринади. Тўлов олдиндан. Буюртма топшириш пунктига ёки курьер орқали белгиланган манзилга етказиб берилади.

Uzum Market’да товарнинг омборда бор-йўқлигига қараб 1–30 иш кунида топшириш пунктига бепул ёки курьер орқали белгиланган манзилга 30 минг сўмга етказиб берилади. Тўловни 4 хил усулда қилиш мумкин: карта орқали олдиндан, қабул қилиб олинганда – нақд ёки карта, узум картаси билан чегирмада, бўлиб тўлаш орқали 3–6–12–24 ойга. Буюртмани сотувчининг ўзи уйингизга етказиб бериши мумкин.

Wildberries’да 3–10 кун ичида етказиб берилади. Тўлов олдиндан. Маҳсулот божхонага етиб келганда, қабул қилиб олишни электрон тасдиқлаш керак. Курьер орқали уйингизга ёки пунктига буюртма қилишингиз мумкин. Курьер орқали уйингизга етказиб бериш нархини маркетплейс белгилайди.

Изоҳ: Ozon автокресло қидирув саҳифаси.Ozon’да етказиб бериш нархи ва муддати буюртма расмийлаштирилганда ҳисобланади. Тўлов олдиндан қилинади.

Қурилмалар:

Автолюлька асосан 0–13 кг чақалоқларни автомобилда ташиш учун мўлжалланган қурилма. Уни танлашда боланинг вазни ва бўйи, шунингдек, ишлаб чиқарувчи белгилаган ёш чегараларига эътибор бериш керак. Автолюлькани автомобилнинг олд ўриндиғига ўрнатишдан олдин қурилма йўриқномасини текшириш зарур. Агар у орқага қаратиб ўрнатиладиган бўлса, олд хавфсизлик ёстиғи ишлаб турган ҳолатда қолмаслиги керак. Автолюлькани олд ўриндиққа фақат олд хавфсизлик ёстиғи (airbag) ўчирилган бўлса қўйиш мумкин.

Автокресло 9–18 кг оралиғидаги болаларни автомобилда ташиш учун мўлжалланган махсус ўриндиқ. Унинг тури боланинг бўйи, вазни ва қурилманинг техник талабларига қараб танланади. Автокреслони автомобил ўриндиғига тўғри ўрнатиш ва болани ундаги тасмалар билан йўриқномага мувофиқ маҳкамлаш керак.

Бустер 18–36 кг оралиғидаги болаларни баландроқ ўтқазиб, автомобилнинг оддий хавфсизлик камари тўғри жойлашишига ёрдам берадиган мослама. У ҳар қандай ёшдаги болага мос келавермайди. Бустернинг бола бўйи ва вазнига мослигини, шунингдек, камарнинг елка ва тос соҳасида тўғри жойлашишини текшириш зарур.

Маҳсулотни танлашда унинг йўриқномаси, техник белгилари ва автомобилда тўғри ўрнатилишига эътибор беринг.

Болаларни гуруҳ бўлиб ташишда қандай талаблар бор?

Боғча ёки мактаб болаларини автобусда олиб борсангиз, қуйидаги талабларга риоя қилинг:

1. автобус ёки микроавтобусда катта ёшли кузатувчи бўлиши;

2. болалар сони автобус ва микроавтобусларнинг техник тавсифномасида кўрсатилган сиғимдан ошиб кетмаслиги;

3. транспорт воситасининг олд ва орқа қисмига «Болалар гуруҳини ташиш» белгиси ўрнатилиши керак.

Аниқ сафарда қайси талаблар қўлланиши транспорт тури ва ташиш шароитидан келиб чиқади.

Қоидаларни бузганлик учун қанча жарима бор?

12 ёшгача бўлган болани олд ўриндиқда махсус қурилмасиз олиб юрганлик учун ҳайдовчига 2 БҲМ (2026 йил 1 сентябрдан БҲМ 440 минг сўм), яъни 880 минг сўм жарима солинади.(МЖтК, 128⁸-модда).

Бундан ташқари, ушбу қоидабузарлик учун ҳайдовчига 0,3 жарима балли ҳисобланади.

2026 йил июл ойида Навоий вилояти Қизилтепа туманида Damas автомобили тўхтатилганида, унда ҳайдовчидан ташқари 17 нафар боғча тарбияланувчиси ва бир нафар боғча ходимаси бўлган. Шунингдек, автомобилнинг олд ўриндиғида уч нафар бола ўтиргани маълум бўлган. Ҳолат юзасидан ҳайдовчига нисбатан маъмурий чора кўрилган.

Эслаб қолинг

1. 12 ёшга тўлмаган болани махсус ушлаб турувчи қурилмасиз автомобилнинг олд ўриндиғида ташиш мумкин эмас.

2. Енгил автомобилнинг орқа ўриндиғида болани махсус қурилмада ташиш талаб қилинмайди.

3. 12 ёшгача бўлган болаларни мотоцикл, электромотоцикл, мопед ва скутернинг орқа ўриндиғида олиб юриш ҳам тақиқланган.

4. Болалар гуруҳини автобусда ташишда кузатувчи бўлиши ва «Болалар гуруҳини ташиш» белгиси ўрнатилиши керак.

5. Қоидаларни бузган ҳайдовчига 880 минг сўм жарима ва 0,3 жарима балли қўлланади.