Suriyada jang qilayotgan O‘zbekiston va Tojikiston fuqarolari soni oshib bormoqda

[caption id="attachment_89253" align="alignnone" width="450"] © 12news.uz[/caption] Suriyaning Idlib viloyati, Jisr-al-Shug‘ur hududida jang qilayotgan o‘zbek jangarilari tasvirlangan videokadrlar 25 aprel kuni internetda paydo bo‘ldi, deya xabar bermoqda 12news.uz. Central Asia Online’ning ma'lumotlariga ko‘ra, o‘zbek jangarilarining ushbu guruhi “Tavhid val Jihod” (TVD) yoki “Jannat oshiqlari” deb nom olgan. Kadrlarda guruh a'zolari o‘zbek tilida baqirayotganini eshitish mumkin. Ayni vaqtda, Suriyadagi urushga Tojikistonning Xatlon viloyati Boxtan tumanidan 26 nafar yosh yigit qo‘shilgan, bu haqda tuman ma'muriyati vakillari ma'lum qilishgan. Bu yigitlarning barchasi, Suriyaga yo‘l olishidan avval, xorij mamlakatlarida mehnat faoliyati bilan shug‘ullangan. Boxtan tumani militsiyasi rahbari o‘rinbosari Xolboy Zoirovning so‘zlariga ko‘ra, hozirgacha to‘rt boxtanlik Suriyada halok bo‘lgani ma'lum.