Shimoliy Koreyada ichki internet do‘koni ochildi

KXDRda mamlakat fuqarolariga mo‘ljallangan ichki internet do‘koni ochildi. Bu haqda ABC News ma'lumot bermoqda.
Okryu sayti birinchi navbatda smartfonlar foydalanuvchilariga mo‘ljallangan. Chet elliklar onlayn do‘kon xizmatlaridan foydalana olmaydi. Sayt orqali kiyim-kechak, aksessuarlar, oyoq kiyimi, dori vositalari, kosmetika va mebel sotib olish mumkin. Mahsulot uchun KXDR ichki bank to‘lov tizimi orqali haq to‘lash mumkin.
Mobil aloqa mamlakatda 2008 yilda joriy etilgan; 2013 yilga kelib Shimoliy Koreyada mobil telefonlar va smartfonlardan foydalanuvchilar soni 2 mln kishiga yetdi. Bugungi kunda mamlakatda Koryolink davlat uyali aloqa operatori ishlab turibdi.