Beeline kompaniyadagi amaliyot o‘tashga da'vogar talabalar orasida saralash test sinovlarini o‘tkazdi

2015 yil 7 may, Toshkent. Aloqa operatori Beeline “Uchinchi avlod” amaliyot o‘tash doirasida ikkinchi saralash bosqichi o‘tkazilgani haqida xabar beradi.

Test sinovlari 6 may kuni Toshkent axborot texnologiyalari universitetining (TATU) elektron kutubxona zalida bo‘lib o‘tdi. Tanlov saralash bosqichida Halqaro Vestminster universiteti, Singapur menedjmentni rivojlantirish instituti, Toshkent axborot texnologiyalari universiteti, Toshkentdagi Moskva davlat universiteti, O‘zbekiston Milliy universiteti, Toshkent davlat sharqshunoslik instituti, Toshkent moliya instituti, Toshkent davlat texnik universiteti va boshqa oliygohlardan 70dan ziyod talabalar ishtirok etishdi.

“Test sinovlari onlayn-tizimda o‘tkazildi, va talabalar qator masalalarni yechishlari lozim edi, - voqeani sharhlaydi Unitel‘ning jamoa bilan ishlash va tashkiliy rivojlantirish bo‘yicha direktori Yekaterina Agandjanova. – Maxsus ishlab chiqarilgan web-resurs yordamida test natijalari darhol aniqlandi. Talabalarning intellektual darajalarini sinash uchun yaratilgan innovatsion yondashuv zamonaviy Beeline maqomini tasdiqlaydi. Test sinovlaridan muvaffaqiyatli o‘tgan talabalar HR-mutaxassislari va o‘zlarining bo‘lg‘usi rahbarlari bilan suhbatdan o‘tadilar”.

Test natijalari va suhbatdan muvaffaqiyatli o‘tgan 16 talaba mazkur yilning yoz mavsumidan boshlab Beeline‘da amaliyot o‘tashlari mumkin.

2015 yili, dastur doirasida, tijorat ma'muriyati, texnik ma'muriyat, axborot texnologiyalari ma'muriyati, jamoa bilan ishlash va tashkiliy rivojlanish bo‘yicha ma'muriyatda, shu bilan birga, Beeline yuridik xizmatida amaliyot o‘tash ochildi. Amaliyot o‘tash bir yil davom etib, ikkita bosqichga bo‘linadi. Birinchi bosqich iyundan avgust oyigacha davom etib, talabalarga ta'til paytida tanlangan bo‘linmada to‘liq bandlik bilan amaliyot o‘tashga imkon beradi. Amaliyot o‘tash dasturining ikkinchi bosqichiga o‘zlarini yaxshi tomondan ko‘rsatgan, ko‘proq darajada samarali bo‘lgan talabalar o‘tadi. Ular kompaniyada bu yilning sentabr oyidan 2016 yilning iyun oyigacha, ham ishlab, ham o‘qish imkoniyatini ta'minlagan holda, mahsus moslashtirilgan grafik bo‘yicha ishlashni davom ettiradilar.

Batafsil ma'lumot www.beeline.uz saytida.