5-6 may kunlari Toshkent shahrida O‘zbekiston va Belarus Tashqi ishlar vazirliklari o‘rtasidagi navbatdagi konsultatsiyalar o‘tkazildi. Bu haqda O‘zbekiston Tashqi ishlar vazirligi matbuot xizmati ma'lumot berdi.
Toshkentdagi uchrashuvda ishtirok etish uchun mamlakatga Belarus Tashqi ishlar vazirligi Bosh huquqiy boshqarmasi boshlig‘i o‘rinbosari Dmitriy Spressov boshchiligidagi delegatsiya tashrif buyurdi.
Muzokaralar jarayonida hamkorlikning huquqiy negizini kengaytirish istiqbollari hamda amaldagi kelishuvlar ijrosi masalalari ko‘rib chiqildi.
