Ukraina temir yo‘llari defoltga uchradi

“Ukrzaliznitsya” Ukraina davlat temir yo‘l kompaniyasi kreditorlariga texnik defoltga uchraganini ma'lum qildi. Bu haqda davlat korxonasi rahbari vazifasini bajaruvchi Maksim Blank maxsus brifing chog‘ida bayon qildi.
“Bugun biz kreditorlarga “Ukrzaliznytsya”ning qarzdorlik majburiyatlari bo‘yicha texnik defoltga uchraganimizni va ichki qarz bo‘yicha muzokaralar jarayonining boshlanganini ma'lum qildik. Shuningdek, biz ichki va tashqi kreditorlarga 2015 yili korxonada bo‘ladigan restrukturizatsiyaning yo‘nalishlari va hajmlari haqida xabar qildik”, – uning so‘zlarini keltiradi UNIAN agentligi.
Uning so‘zlariga qaraganda, kompaniya yaqin ikki oy ichida 32 mln grivna miqdoridagi ichki va tashqi qarzni restrukturizatsiya qiladi. Kompaniyaning Yevropa tiklanish va taraqqiyot banki hamda Koreya Eksimbanki oldidagi qarzdorlik majburiyatlari restrukturizatsiya qilinmaydi.