KXDR BMT bosh kotibini Keson hududiga kiritmadi

KXDR BMT bosh kotibi Pan Gi Munning Keson sanoat hududiga tashrif uyushtirishiga ruxsat bermagan. Bu haqda Renxap agentligi ma'lum qilmoqda.
Ayni vaqtda Janubiy Koreyada bo‘lib turgan BMT bosh kotibi ham bu ma'lumotni tasdiqlagan.
Uning aytishicha, Kesonga safar 20 may kuni amalga oshirilishi kerak edi, KXDR tomoni taqiq haqda 19 may kuni ogohlantirgan.
Pan Gi Mun Kesonga tashrifi orqali KXDR va Janubiy Koreya o‘rtasidagi munosabatlarni iliqlashtirishga harakat qilishni rejalashtirgan edi.