«Real» Anchelottining iste'fosi haqida 24 may kuni e'lon qiladi

24 may kuni «Real» klubi jamoa bosh murabbiyi Karlo Anchelotti bilan xayrlashganini rasman e'lon qiladi. Bu haqda Sky Sport Italia nashri xabar tarqatgan.

Manbada aytilishicha, murabbiy bir yillik tanaffus qilishi mumkin. Shuningdek, ayrim OAVlarda Anchelotti «Milan» yoki «Bavariya»ga (Xosep Gvardiola ketgan taqdirda) o‘tishi taxmin qilingan.

Eslatib o‘tamiz, joriy mavsumda «Real» Anchelotti rahbarligida Ispaniya chempionligini boy berdi hamda YeChLni yarimfinal bosqichida tark etdi. Shuningdek, "Real" Ispaniya kubogining nimchorak finalida «Atletiko»ga yutqazib qo‘ydi va mavsumni sovrinsiz yakunlaydigan bo‘ldi.