AQShning Texas shtatida huquq-tartibot idoralari xodimlari bayker guruhlari o‘rtasida sodir bo‘lgan otishma yeridan 300dan ortiqroq qurol topdi. The New York Times gazetasining yozishicha, voqea Ueyko shahrida bo‘lib o‘tgan.
O‘zaro dushmanlik kayfiyatidagi baykerlar guruhlari o‘rtasidagi otishma natijasida 9 kishi halok bo‘lgan, 18 kishi yaralangan. Otishma shahar markazidagi Twin Peaks bari oldida sodir bo‘lgan. Otishmada ishtirok etgan 170 kishiga nisbatan turli ayblovlar ilgari surilgan.
Aytilishicha, oxirgi o‘n yilliklarda baykerlar o‘rtasida bu qadar yirik to‘qnashuv bo‘lmagan.
Politsiya serjanti Patrik Sventonning guvohlik berishicha, bar yaqinidan 300 qurol topilgan. Ular ichida pichoqlar, kastetlar, tayoqlar, zanjirlar, 118 to‘pponcha va bir dona AK-74 avtomati bor.