Turkiya prezidenti Rajab Toyib Erdo‘g‘an AQShdagi The New York Times nashrida Turkiya haqida yozilgan tanqidiy maqolaga munosabat bildirdi. Bu haqda BBC Turkce xabar bermoqda.
Biroz oldinroq, The New York Times gazetasida "Turkiya osmonida bulutlar" nomli maqola chiqarilgan, unda Turkiyadagi ichki siyosiy muhit hamda 7 iyun kuni bo‘lib o‘tadigan parlament saylovlari arafasidagi shubhali harakatlar haqida gap borgan edi.
"Bu maqolani yozganlarning o‘zi so‘z erkinligini buzishgan va Turkiyaning ichki ishlariga aralashishgan. O‘sha jurnalistlar AQShning ichki siyosati haqida ham yoza olisharmikin? U yerda bunga ruxsat berishmaydi, bu taqiq buzilsa, kerakli choralar ko‘riladi", deydi Erdo‘g‘an.