Putin Blatterni saylovdagi g‘alaba bilan tabrikladi

Rossiya prezidenti Vladimir Putin FIFA prezidentligida beshinchi marta qolgan Yozef Blatterni saylovda qozonilgan g‘alaba bilan tabrikladi. Bu haqda Kremlning rasmiy sayti orqali ma'lum bo‘ldi.

“FIFAni 17 yil davomida boshqarib, siz muxlislar, murabbiylar va o‘yinchilar orasida obro‘ qozondingiz. Ishonchim komilki, sizning tashkiliy qobiliyatlaringiz hamda to‘plagan tajribangiz millionlab odamlarni birlashtiruvchi birinchi raqamli sportni yanada rivojlantirish, geografiyasini kengaytirishda yordam beradi”, – deyiladi hujjat matnida.
Shuningdek, Putin Rossiya bundan keyin ham FIFA bilan hamkorlikni davom ettirishini, bu ayniqsa 2018 yilgi jahon chempionati arafasida muhimligini ta'kidlab o‘tdi.

“Ishonchim komilki, biz umumiy mehnatlarimiz samarasi o‘laroq tashkiliy va sport nuqtai nazaridan ajoyib turnir o‘tkazamiz”, – dedi Putin.