FIFAda avj olgan janjal bosh futbol tashkilotining bo‘linib ketishiga sabab bo‘lishi mumkin. Ayniqsa Yevropa futbol federatsiyasining noroziligi jiddiy tus olmoqda.
Ta'kidlanishicha, UYeFA xalqaro tashkilot tarkibidan chiqib, o‘z musobaqa va tadbirlarini uyushtirishni rejalashtirmoqda.
Birinchi navbatda Daniya vakili Allan Xansen FIFA tarkibidan chiqish, ikki yilda bir marta muqobil chempionatlar o‘tkazish va ularga boshqa qit'alar termalarini chaqirish tashabbusi bilan chiqdi. Bu taklif FIFA prezidentligiga saylovlardan oldin o‘tkazilgan 54 Yevropa federatsiyasi vakillarining yig‘ilishida ilgari surildi. Unga Norvegiya ham qo‘shildi.
Shu haftaning shanba kuni Berlinda UYeFAning navbatdan tashqari konferensiyasi o‘tkaziladi, unda federatsiyaning keyingi qadamlari borasida muzokaralar olib boriladi.