Ukrainaning Kiyev viloyatida joylashgan neft bazasi hududida beshta rezervuar yonishda davom etmoqda. Bu haqda Ukraina favqulodda vaziyatlar bo‘yicha davlat xizmati rahbari Nikolay Chechetkinga iqtibos keltirgan holda “Interfaks” axborot agentligi xabar bermoqda.
“Biz yong‘inni ko‘pik bilan o‘chirishga harakat qildik, natijada 800 kub metrlik bitta rezervuarni o‘chirishga muvaffaq bo‘ldik, tushlikdan keyin navbatdagi ko‘pikli hujumni amalga oshirishga tayyorgarlik ko‘rmoqdamiz”, deb aytmoqda Chechetkin.
Chechetkinning aytishicha, bundan tashqari yong‘inni o‘chirish paytida Mudofaa vazirligining o‘t o‘chirish tankidan foydalanilgan.
Avvalroq ikki kundan beri yong‘in ichida qolgan neft bazasida portlash sodir bo‘lgani ma'lum qilingan edi.