13:15 / 13.06.2015
3022

Microsoft 20 ming dollarli osma planshet taqdim etdi

Microsoft kompaniyasi katta ekranga ega bo‘lgan Surface Hub osma planshetini taqdim etib, uning narxini ma'lum qildi. Surface Hub ofisdagi majlislarda ishlatish uchun mo‘ljallangan.

Modellarning biri 1920x1080 pikselga ega 55 dyuymli, yana biri 84 dyuymli 4K-ekranga (3840x2160 piksel) ega. Qurilmalar bir vaqtning o‘zida 100tagacha barmoq ta'siri va elektron qalamchalarning ta'sirini sezadi. Ikki kompyuter ham Intel Core i7 protsessorida ishlaydi hamda ularga Wi-Fi, NFC simsiz aloqa, kamera va HDMI va USB porti bilan jihozlagan. Ular kompaniyalardagi kundalik vazifalarni bajarish uchun mo‘ljallangan Windows 10 platformasida ishlaydi. Undan Skype orqali videomuloqot o‘tkazish mumkin bo‘ladi.

Kichik planshetning narxi 7 ming dollar , kattasi esa 20 ming dollarga baholangan.

Surface Hub 2015 yilning sentabr oyida sotuvga chiqariladi. Microsoft osma planshetlar uchun 1 iyuldan buyurtma olishni boshlaydi. 

Top