2015 yilning 21 martidan buyon O‘zbekiston Eronning Bandar Abbos porti orqali 60 ming tonnadan ortiq kimyoviy o‘g‘itlar eksport qildi. Bu haqda O‘zbekiston-Eron hukumatlararo komissiyasining yig‘ilishida gapirildi.
Iran.ru saytining xabar berishicha, uchrashuvda tashqi iqtisodiy aloqalar, investitsiyalar va savdo vaziri Elyor G‘aniyev ishtirok etdi.
Muzokaralar asnosida tomonlar joriy yilda O‘zbekiston paxtasining tranzit o‘tkazmalari hajmini 400 ming tonnaga, kimyoviy o‘g‘itlar o‘tkazmalarini esa 300 ming tonnaga yetkazishga kelishib oldi. O‘g‘itlar tranziti hajmi yaqin bir necha yil ichida 1 mln tonnadan oshishi kutilmoqda.