“Golos” rahbariyati tintuv qilindi

Rossiyaning “Golos” tashkiloti rahbarlari IIV xodimlari tomonidan tintuv qilindi. “Vedomosti” gazetasining yozishicha, “Golos-Povoljye” loyihasi rahbari Lyudmila Kuzminaga qarshi qo‘zg‘atilgan ish bu tintuvga sabab bo‘lgan. Kuzmina soliqlar to‘lashdan bo‘yin tovlaganlikda ayblanmoqda.
Hozirgacha “Golos” hamraisi Grigoriy Melkonyants, loyihalar muvofiqlashtiruvchisi Roman Udot va ijrochi direktor Tatyana Troynovaning xonadonlari tintuv qilindi.
“Golos” manfaatlarini himoya qilayotgan “Agora” firmasi advokati Ramil Ahmadg‘aliyevning so‘zlariga qaraganda, Moskvadagi xonadonlarda Samara IIB xodimlari tintuv o‘tkazmoqda.