O‘zbekiston aloqa operatori Beeline VimpelCom Ltd. Beeline brendi dunyoning eng yaxshi 100 telekommunikatsion brendlari ro‘yxatiga kirgani va 2,6 mlrd AQSh dollari miqdorida (kutilgan savdolar asosida) baholangani haqida xabar beradi. Brand Finance brendlarga baho berish bo‘yicha eng yirik konsalting kompaniyasining talqiniga ko‘ra “2015 yilning 500 ta eng yaxshi telekommunikatsion kompaniyalari” bahosi bo‘yicha ma'lumotlar chop etilgan.
Mazkur yilning hisobotida dunyodagi 900ga yaqin aloqa operatorlari o‘rganib chiqilgan. VimpelCom Ltd. Beeline (Rossiya), Djezzy (Jazoir), Mobilink (Pokiston), WIND (Italiya) va Kievstar (Ukraina) brendlari dunyoning eng yaxshi 250 telekommunikatsion brendlari ro‘yxatiga kirgan. Brand Finance talqiniga ko‘ra “2015 yilning 500ta eng yaxshi telekommunikatsion kompaniyalari” hisobotida brendning raqobatlarga nisbatan kuch, xatar va brend imkoniyatlari ko‘rsatgichlari keltirilgan. Hisobotni to‘rt yirik audit kompaniyalar (Deloitte, KPMG, EY va PwC), shuningdek nazorat organlari, shu bilan birga Birlashish va sotib olish bo‘yicha Buyuk Britaniya komissiyasi taqriz qilgan.
Eslatib o‘tamiz, Beeline brendi O‘zbekistonda ham ko‘p marotaba mukofotlar bilan taqdirlangan. 2011 yilda www.brandnews.uz saytidagi onlayn-ovoz berish natijalari bo‘yicha “Yilning eng yaxshi brendi” deb tan olingan, 2012 yilda esa Uzbekistan Brand Awards nufuzli mukofotining “Yilning xalq brendi” va “O‘zbekiston bozoridagi eng yaxshi xalqaro brend” nomli ikki nominatsiyasida g‘oliblikni qo‘lga kiritgan.
Brand Finance — brendlarga baho berish bo‘yicha eng yirik jahon konsalting kompaniyasi. 1996 yilda tashkil topgan Brand Finance kompaniyasi brendlarga baho berish va umumiy bahosi milliardlab dollarga teng bo‘lgan nomoddiy aktivlar sohasida minglab loyihalarni amalga oshirgan. Tafsilotlar http://www.brandfinance.com saytida.