Dubay shahridagi portda yong‘in kelib chiqdi. Mahalliy matbuotda xabar qilinishicha, olov tungi soat 3:00da avj olgan.
Voqea joyiga 4ta qutqaruv guruhi va 10ta o‘t o‘chiruvchi mashina yetib borgan. Oddiy fuqarolar ham yong‘inni o‘chirishda hamda jabrlanganlarga yordam ko‘rsatishda faol ishtirok etgan.
Dokdan ko‘tarilayotgan tutun shaharning turli qismlaridan ko‘rinib turgani aytilmoqda. Mashina haydovchilarining xavfsizligini ta'minlash uchun yaqin hududlardagi yo‘llar yopib qo‘yilgan.
