14 iyul kuni Xabarovsk shahridan 80 km masofada qulab tushgan Tu-95 MC rusumli harbiy bombardimonchi samolyotdagilardan 2 nafari halok bo‘lgan.
Mudofaa vazirligi tomonidan ma'lum qilinishicha, ekipajning 2 nafar a'zosining jasadlari topilgan.
Dastlabki xabarlarda, samolyotdagi 7 kishi halokatdan oldin samolyotni tark etishga ulgurishgani haqida aytilgandi.
Biroz oldinroq, ekipaj a'zolarining 5 nafari tirik qolgani tasdiqlangan. Ta'kidlanishicha, samolyot rejali o‘quv parvozini amalga oshirayotgan bo‘lgan.