Qoʻshimcha funksionallar
-
Tungi ko‘rinish
Fasten safar buyurtma qilish xizmati endi O‘zbekistonning barcha hududlarida ishlaydi
Fasten O‘zbekistondagi faoliyati geografiyasini kengaytirdi. Toshkentda ishga tushirilganidan so‘ng servis mamlakatning yana 18 ta shahrida faoliyat boshladi va endi respublikaning barcha hududlarida taqdim etilmoqda.
Servis Samarqand, Buxoro, Farg‘ona, Andijon, Urganch, Qo‘qon, Qarshi, Namangan, Nukus, Navoiy, Termiz, Jizzax, Xiva, Guliston, Shahrisabz, Zarafshon, Denov va Qo‘ng‘irot shaharlarida ishga tushirildi.
Ushbu shaharlarning aksariyatida foydalanuvchilar uchun ikki tarif mavjud — Fasten va Comfort.
Fasten servisi barcha shaharlarda mavjud bo‘lib, kundalik qisqa masofalar uchun mos keladi. Comfort tarifi esa aksariyat shaharlarda ishlaydi va uzoqroq hamda yanada qulay safarlar uchun yuqori toifadagi avtomobilga buyurtma berish imkonini beradi.
Masalan, Samarqand shahrida Fasten tarifi bo‘yicha Registon maydonidan Siyob bozorigacha bo‘lgan safar taxminan 7 000 so‘m turadi.
Servisdan foydalanish uchun bepul Fasten mobil ilovasini yuklab olish va unda ro‘yxatdan o‘tish kerak. Safar buyurtma qilish uchun manzilni ko‘rsatish va mos tarifni tanlash kifoya. Ilova avtomobilning qachon yetib kelishini va uni qayerdan topish mumkinligini ko‘rsatadi. Safar uchun to‘lovni ilovaga bog‘langan bank kartasi yoki naqd pul orqali amalga oshirish mumkin.
Fasten orqali amalga oshirilgan barcha safarlarda haydovchi va yo‘lovchilarning hayoti hamda sog‘lig‘i sug‘urtalangan. Sug‘urta qoplamasining maksimal miqdori har bir inson uchun 100 million so‘mgacha.
Fasten — mobil ilova orqali safar buyurtma qilish xizmati. Servis vaqtni qadrlaydigan va safarlarni hamyonbop narxlarda amalga oshirishni afzal ko‘radigan O‘zbekistonning yosh aholisiga mo‘ljallangan. Fasten haqida batafsil ma’lumotni servisning rasmiy manbalari orqali olish mumkin.
Reklama huquqi asosida
