Nurotada qoramol o‘g‘rilari qo‘lga olindi

Navoiy viloyatining Nurota tumanida qoramol va qo‘y o‘g‘rilari qo‘lga olindi. Bu haqda “Na postu” gazetasi xabar bermoqda.
Aytilishicha, nurotalik Nusrat Rahimov va Vohid Narziyev ikki yil mobaynida chorva o‘g‘riligi bilan kun kechirib kelgan. Jonivorlarni og‘ildan yoki daladan olib qochib, ularni bir muddat maxsus joyda saqlashgan, so‘ng bozorda sotib yuborishgan.
Jinoyatchilar qo‘lga olingan chog‘da ular maxsus og‘ilda o‘nlab mol va qo‘y saqlab kelayotgani aniqlangan. Ular sodir etgan barcha ma'lum o‘g‘rilik faktlari o‘rganib chiqilmoqda.