14-16 iyul kunlarida AQSh mezbonligida o‘tkazilayotgan KONKAKAF Kubogi uchun turnirning 3 tur uchrashuvlari bo‘lib o‘tdi.
14 iyul kuni "A" guruhida Gaiti Gondurasni 1:0 hisobida mag‘lub etgan bo‘lsa, guruhdan chiqish vazifasini muddatidan oldin hal qilgan AQSh terma jamoasi Panama bilan 1:1 hisobida durang o‘ynadi. Natijda, AQSh hisobida 7 ochko, Gaiti hisobida esa 4 ochko to‘plandi. Panama va Gonduras 3 va 1 ochkolari bilan keyingi o‘rinlarda qolishdi. Panama keyingi bosqichda o‘ynaydi.
Gaiti - Gonduras 1:0
Gol: Nazon (14)
Panama - AQSh 1:1
Gollar: Peres (34) - Bredli (55)
15 iyul kuni o‘tkazilgan "V" guruhi o‘yinlarida Yamayka Salvadorni 1:0 hisobida mag‘lub etdi. Kanada esa Kosta-Rika bilan nursiz durang qayd etdi. Endilikda, Yamayka 7 ochko bilan guruh peshqadamiga aylandi. Kosta-Rika 3 ochko bilan ikkinchi, Salvador va Kanada esa 2tadan ochko jamg‘argan holda uchinchi va to‘rtinchi o‘rinlarni band etishdi.
Yamayka - Salvador 1:0
Gol: Makkliri (72)
Chetlatish: Mettoks (82, Yamayka)
Kanada - Kosta-Rika 0:0
16 iyul kuni "C" guruhida ham guruh bosqichi yakunlandi. Dastlabki 2 turda mag‘lub bo‘lgan (Kuba-Meksika 0:6, Kuba-Trinidad va Tobago 0:2) hamda birorta gol ura olmagan kubaliklar Gvatemala terma jamoasini 1:0 hisobida taslim etishdi. Guruhning ikkinchi uchrashuvida esa gollar shousi namoyish etilib, turnirning eng gollarga boy o‘yinida muxlislar darvozalar 8 marta ishg‘ol etilishiga guvoh bo‘lishdi. Meksika hamda Trinidad va Tobago terma jamoalari 4:4 hisobidagi jangovor durang qayd etishdi.
Endilikda, bu guruhdan Trinidad va Tobago 7 ochko bilan birinchi o‘rinda, Meksika esa 5 ochko bilan ikkinchi o‘rinda chiqishadi. Kuba ham keyingi bosqich yo‘llanmasiga ega bo‘lgan.
Kuba - Gvametala 1:0
Gol: Reyyes (73)
Meksika - Trinidad va Tobago
Gollar: Agilyar (32), Vela (51), Guadrado (88), Jons (90) - Kammings (55), Jons (58), Kammings (67), Marshall (90)
Chorak final o‘yinlari 19-20 iyul kunlari o‘tkaziladi.
Unda AQSh Kuba bilan, Gaiti Yamayka bilan, Trinidad va Tobago Panama bilan hamda Meksika Kosta-Rika bilan uchrashadi.