Moldovada terrorizmda gumon qilingan o‘zbekistonlik qo‘lga olindi

Moldova poytaxti Kishniyov shahrida terrorizmda gumon qilingan Rossiya va O‘zbekiston fuqarolari qo‘lga olindi. Bu haqda Moldova axborot va xavfsizlik xizmati (SIS) ma'lumotlariga tayanib Ukrinform nashri xabar tarqatmoqda.

«Qamoqqa olingan O‘zbekiston fuqarosi «Sharqiy Turkiston islom harakati» terrorchilik tashkiloti a'zosi sifatida shubha ostiga olingan. Bundan tashqari transmilliy terrorchilik guruhlaridan biri a'zosi sifatida Rossiya hududida qidirilayotgan Shimoliy Osetiya fuqarosi ham hibsga olindi», deyiladi tashkilot xabarida.

Hozirda mazkur jinoyatchilar Moldova muhojirlarning vaqtincha yashash markazidan chiqarib olingan.

SIS bergan xabarda aytilishicha, terrorchilarni qo‘lga olishda mahalliy IIVning alohida xodimlari ham jonbozlik ko‘rsatgan. Bundan tashqari, xabarda aytilishicha, jinoyatchilar qo‘lga olinganida ularning qarorgohida bir necha o‘qotar qurollar va harbiy kiyimlar topilgan.