Amerikaning J.D. Power and Associates agentligi mutaxassislari tomonidan 2015 yilning eng yaxshi avtomobillari nomi e'lon qilindi.
Reyting avtomobil egalarining xarididan 90 kun o‘tgach, o‘tkazilgan so‘rovnoma natijalari asosida tashkil qilindi. So‘rovnomada 2015 yilning fevraldan to may oyiga qadar avtomobil sotib olgan 84 000 nafar ishtirokchi qatnashdi. Tadqiqot dizayn, sifat va turli xavfsizlik sistemalari kabi 77 xil mezon bo‘yicha o‘tkazildi. Ushbu natijalari asosida reyting tuzildi.
Natijalarga ko‘ra, eng yuqori ko‘rsatkichni 1000 balldan 874 ball to‘plagan Porsche markasidagi avtomobillar qo‘lga kiritdi. Bu Porsche kompaniyasining mazkur reytingdagi ketma-ket 11-g‘alabasi.
Shuningdek, haydovchilar Jaguar (855 ball), BMW (854), Mercedes-Benz (853) va Audi (852) markasidagi avtomobillarga ham yuqori baho berishdi.
2015 yilning eng yaxshi avtobrendlari
