Marca: De Xea shu haftada "Real"ga o‘tadi

"Manchester Yunayted" jamoasining ispaniyalik darvozaboni David De Xea joriy haftada jamoani tark etishi aytildi.

Marca nashrining xabariga ko‘ra, darvozabonning "Real"ga o‘tishi muqarrar. madridliklar ushbu transferni 8 avgust kunigacha, ya'ni APLning yangi mavsumi boshlanadigan kungacha amalga oshirmoqchi.

Biroz oldinroq, bosh murabbiy van Gaal jamoada qolishni istamayotgan futbolchini majburlab olib qolish niyatida emasligini aytgandi.

De Xea ham yangi mavsumda "Old Trafford"dagi muxlislarning hushtakbozliklariga toqat qilib o‘ynamoqchi emas.

Ushbu transfer qiymati 40 mln yevroni tashkil etishi mumkin.