London metrosida navbatdagi ish tashlash o‘tkaziladi

Chorshanba kuni London metropoliteni xodimlari 24 soatlik ish tashlash o‘tkazadi. Bu ish beruvchilar bilan mehnat shartlari borasidagi bahslar, shuningdek, metropolitenning 24 soatlik ish kuniga o‘tishi bilan bog‘liqdir.

Ish tashlash mahalliy vaqt bilan soat 18:30da boshlanadi va 24 soat davom etadi. Unga korxona kasaba uyushmasi boshchilik qiladi.

Shahar ma'muriyati transport muammosini hal qilish uchun Temza ustida suzadigan katerlar, shuningdek, yo‘nalishli avtobuslar sonini ko‘paytirish borasida chora-tadbirlar ko‘rmoqda. Ammo o‘tgan safargi ish tashlashda yer usti transporti yo‘lovchilar oqimiga xizmat ko‘rsatib ulgurmay qoldi, va ko‘chalarda odam to‘lib ketishi natijasida nazorat uchun politsiya chiqarildi.

Metro 24 soatlik ish kuniga 12 sentabrdan o‘tadi. Kasaba uyushmasi bu muxlatni orqaga surishni talab qilmoqda, ammo rahbariyat bilan kelishuvga erisha olmayapti.