Bashar Asadning amakivachchasi hibs qilindi

Suriya hukumati mamlakat prezidenti Bashar Asadning amakivachchasini qamoqqa oldi. Bu haqda SANA agentligi xabar bergan.

"Sulaymon Hilol al-Asad hibsga olindi va mas'ul idoralar ixtiyoriga jo‘natildi", deyiladi xabarda.

Suriyadagi inson huquqlari bo‘yicha monitoring markazi ma'lumotiga ko‘ra, prezidentning qarindoshi yo‘l-transport hodisasidan keyin g‘azab ustida aviatsiya polkovnigi Hasan al-Shayxni otib tashlaganlikda ayblanmoqda.