Ruslar va greklar Yevropadagi eng kam samara beradigan ishchilar deb topildi

Rossiyaliklar va gretsiyaliklar Yevropa hududidagi davlatlar ichida eng kam samara beradigan ishchilar deb topildi. Bu haqda Bloomberg nashri Iqtisodiy taraqqiyot va hamkorlik tashkiloti bergan statistik ma'lumotlarga tayanib xabar tarqatdi.

Tashkilot bergan ma'lumotda yozilishicha, ruslar bir yil davomida o‘rtacha 1982 soat vaqtini ishga sarflashsa, greklar yil davomida 2034 soat ish bilan band bo‘lishadi. Ammo bu iqtisodiy o‘sish sur'atlariga sezilarli ta'sir ko‘rsata olmaydi, deb yozadi agentlik.

Rossiya YaIM o‘sishi bo‘yicha har soatlik ishi o‘rtacha 25,9 dollarni tashkil qilsa, Gretsiyada bu ko‘rsatkich 36,2 dollarga o‘sishga erishgan. Taqqoslash uchun Yevropa Ittifoqi davlatlarining bu boradagi o‘rtacha ko‘rsatkichi soatiga 50 dollarni tashkil qiladi.