Farrux Do‘stov Aptosdagi ishtirokini g‘alaba bilan boshladi

AQShning Aptos shahrida tennis bo‘yicha “Chellenjyer” turkumiga kiruvchi, sovrin jamg‘armasi 100 ming dollardan iborat turnirning asosiy to‘r bahslari boshlandi.

Ushbu musobaqada O‘zbekistonning ikkinchi raqamli tennischisi Farrux Do‘stov ham ishtirok etmoqda. Bu haqda olamsport.uz nashri xabar bergan.

O‘zbekiston vakili ilk davrada saralash bahsi g‘oliblaridan biri amerikalik Tennis Sandgrenga qarshi kortga chiqdi.

Dastlabki setni 1:6 hisobida boy bergan Do‘stov keyingi ikkita setda 6:2, 6:1 hisobida zafar quchdi.

Endi u ikkinchi davrada Taro Daniel bilan hisob-kitob qiladi.