LG Display yangi displeylar yaratishga 8.5 mlrd dollar ajratadi

Janubiy Koreyaning LG Display kompaniyasi keyingi uch yil mobaynida yangi avlod displeylarini yaratishga 8.5 mlrd dollar investitsiya kiritadi. Bu haqda Bloomberg agentligi xabar berdi.
Apple’ga displey yetkazib beruvchi kompaniya bu mablag‘ni organik svetodiodlar texnologiyasi (OLED) asosida ishlaydigan displeylar borasidagi ishlanmalarga yo‘naltiradi. Kompaniya mutasaddilari bu displeylarga bo‘lgan talab smartfonlar, avtomobil konsollari va televizorlar segmentlarida yuqori bo‘lishiga umid qilmoqda.
LG Display yirik OLED-displeylar ishlab chiqarish sohasida jahonda yetakchi hisoblanadi, ammo ushbu mahsulotga bo‘lgan talabning tushib ketishi kompaniyani kichik gadjyetlar bozoriga e'tibor qaratishga undamoqda.