«Manchester Siti» Otamendi transferini rasman tasdiqladi

Angliyaning «Manchester Siti» klubi argentinalik himoyachi Nikolas Otamendining sotib olinganini rasman tasdiqladi. Bu haqda xabar «shaharliklar» rasmiy saytida e'lon qilingan.

Otamendi jamoa bilan 5 yillik shartnomaga imzo chekdi. Argentinalik 27 yoshli himoyachi joriy yozda «Siti» asosiy tarkibi uchun Rahim Sterling va Fabian Delfdan keyin xarid qilingan uchinchi futbolchi bo‘ldi.

Yangi futbolchi manchesterliklar safida 30 raqamida ostida to‘p suradigan bo‘ldi.

Klub rasmiy saytida futbolchining transferi qiymati borasida ma'lumotlar berilmagan.

Biroz oldinroq tarqalgan xabarlarga ko‘ra, futbolchini sotib olish uchun klub «Valensiya»ga 45 million yevro to‘lagan.