Estoniya prezidenti Rossiyada sudlangan politsiyachini qahramon deb atadi

Estoniya prezidenti Tomas Ilves Rossiyada ayg‘oqchilikda ayblanib sudlangan politsiyachi Eston Koxverni qahramon deb atadi. Bu haqda RIA Novosti agentligi xabar bermoqda.

“Odam ertalab uydan chiqib ketsa-yu, 24 soatdan keyin Moskvaning Lefortovosida bo‘lsa, lekin shuda ham ruhiyatini baland tutib, hazillashishga kuch topa olsa, demak, bu kishining ruhiy poydevori mustahkam”, – dedi Ilves.
Kecha Pskov sudi estoniyalik politsiyachini ayg‘oqchilikda ayblab 15 yillik qamoq jazosiga hukm qilgan edi. Estoniya tomoni, o‘z navbatida, Koxverning o‘z davlati hududida, Pskov chegarasiga yaqin joyda o‘g‘irlab ketilganini ma'lum qilmoqda.

Koxverga hukm Estoniya davlat bayramidan bir kun oldin o‘qilgani, Ilvesning fikricha, tasodif emas.
“U ishini yaxshi bajargani uchun qamoqqa tushdi. Chunki Estoniyaning ishlari joyida. Ayrim odamlar va mamlakatlarning fikricha, hatot juda yaxshi ketmoqda”, – ta'kidladi prezident.