Gruziyada chekuvchilar hisobidan nafaqalar oshiriladi

1 sentabrdan boshlab yosh nafaqasidagi barcha odamlarga yetkaziladigan oylik to‘lovlar miqdori 6.7 foizga oshirilib, 160 lariga yetkaziladi va 68 dollarni tashkil etadi.
“Buning uchun yiliga yana qo‘shimcha ravishda 300 mln lari kerak bo‘ladi, bu allaqachon byudjyetda ko‘zda tutilgan”, - dedi mehnat, sog‘liqni saqlash va ijtimoiy himoya vaziri o‘rinbosari Zaza Sopromadze jurnalistlar bilan muloqot chog‘ida.

Ilgariroq moliya vaziri Nodar Xaduri 2015 yili pensiyaning oshirilishi tamaki mahsulotlariga o‘rnatilgan aksiz soliqlarining o‘sishi hisobiga amalga oshirilishini xabar qilgan edi. Aytilishicha, joriy yildan boshlab aksiz soliqlari filtrli sigaretalar uchun 20 foizga, filtrsiz sigaretalar uchun esa 25 foizga oshadi.
Oxirgi 1.5 yil ichida Gruziyada nafaqaxo‘rlar soni 17 ming kishiga ko‘paydi. Bugungi kunda ularning umumiy soni 703 ming kishiga teng.
“Nafaqaxo‘rlarning umri davlat dasturi doirasida nafaqa yoshidagi shaxslarga ajratilgan dunyodagi eng yaxshi tibbiy sug‘urta paketlari hisobiga oshdi”, - ta'kidladi Sopromadze.

Bundan tashqari, hukumat maxsus pensiya tizimi islohotini o‘tkazib, jamg‘arib boriladigan pensiya tizimini joriy qilmoqchi. Bu, Sopromadzening fikricha, nafaqaxo‘rlarni uzoq istiqbolda yuqori pension daromad bilan ta'minlaydi.