Morgan Shnayderlin: «Runi mendan "Martial kim o‘zi?" deya so‘radi»

"Manchester Yunayted"ning asosiy hujumchisi Ueyn Runi jamoaning oxirgi transferlaridan biri, fransiyalik yosh hujumchi Antoni Martialning kimligini surishtirdi.

Shu maqsadda u "MYu"ning boshqa bir fransiyalik futbolchisi Morgan Shnayderlinga murojaat qilgan.

"To‘g‘risini aytsam, kecha Runi oldimga keldi va Martialning kimligini so‘radi. Sardor jamoamiz bu futbolchiga qiziqishni boshlagunicha u haqida hech qanday ma'lumotga ega bo‘lmagan.
Men unga Martialning o‘tgan mavsumda "Monako" safida o‘tkazgan o‘yinlari haqida aytib berdim. Uning texnikasi Terri Anrini eslatishi haqida aytganimdan keyin Runi Martial haqida uzil-kesil tasavvur hosil qildi.
Ayni vaqtda ko‘pchilik bu transfer summasining o‘ta katta miqdordaligiga e'tibor qaratmoqda. Men Martialdan bu gaplarga chalg‘imasligini so‘ragan bo‘lardim. Matbuotda uning o‘ziga sarflangan mablag‘ni oqlashi bo‘yicha munozara ketmoqda. Undan yangi mavsumda juda ko‘p gollar urishini kutishlari tabiiy. Lekin u o‘zining imkoniyatlarida o‘ynab berishi yetarli bo‘ladi. U bosim ostida qolmasligi kerak. Menimcha shunda hammasi yaxshi bo‘ladi", deydi Shnayderlin.

Eslatib, o‘tamiz, "MYu" 19 yoshli bu futbolchining transferi uchun "Monako"ga 80 mln yevro to‘laydi.