Xakerlar Apple ID’ning 225 ming akkauntini o‘g‘irladi

WeipTech va Palo Alto Network kompaniyalari o‘tkazgan tadqiqot doirasida Apple ID’ning 225 ming akkaunti o‘g‘irlangani aniqlandi. Qayd etilishicha, jinoyatchilar Jailbreak yordamida iOS-qurilmalari fayl tizimiga kirgan foydalanuvchilarning ma'lumotlarini o‘g‘irlaydigan virusdan foydalanishgan.

18 ta davlat foydalanuvchilari xakerlar qurbonlari bo‘lganlar, ulardan ko‘pchiligi Xitoyda yashaydi. Xakerlar hujumi oqibatida ba'zi foydalanuvchilar akkauntlaridan App Store do‘konidan noqonuniy xaridlar amalga oshirilgan. Xakerlar, shuningdek, akkauntni qaytarib olish uchun to‘lov so‘rashgan.