Apple, Google, Intel va Adobe sud qarori bilan 415 mln dollar to‘laydigan bo‘ldi

AQSh sudi Apple Inc., Google Inc., Intel Corp., Adobe Systems Inc. va ularning xodimlari o‘rtasidagi tinchlik kelishuvining oxirgi variantini tasdiqladi. Bu haqda The Wall Street Journal nashri yozmoqda.

Kompaniyalarning 65 ming ishchisi o‘z ish beruvchilari ustidan arz qildi, negaki kompaniyalar bir-biridan xodim olmaslikka kelishib olishgan edi. Bunday kelishuv korporatsiyalarga xodimlarning maoshlarini tushirish imkonini bergan.
Maosh tushirilishi holatlari 2005-2009 yillarda kuzatilgan. Xodimlar kompaniyalar ustidan sudga 2011 yilda arz qilgan.

Natijada sud tomonlarni yarashtirib qo‘ydi. Bundan tashqari, kompaniyalar xodimlariga 415 mln dollar to‘laydigan bo‘ldi.