Erdo‘g‘an Ostonada o‘tadigan turkiy tilli davlatlar sammitida ishtirok etmaydi

Turkiya prezidenti Rajab Toyib Erdo‘g‘an Ostonada o‘tadigan turkiy tilli davlatlar rahbarlarining V sammitida ishtirok etmaydi. Bu haqda Qozog‘iston tashqi ishlar vaziri Yerlan Idrisov ma'lumot berdi.

“Obektiv sabablarga ko‘ra Turkiya prezidenti Rajab Toyib Erdo‘g‘an ushbu tadbirda ishtirok eta olmaydi”, - ta'kidlaydi u.
Ilgariroq Erdo‘g‘an qozog‘istonlik hamkasbi Nursulton Nazarboyev bilan telefon orqali muloqot o‘tkazib, sammitni o‘tkazishning muhimligini ta'kidlab o‘tgan edi.
Sammit 11 sentabr kuni o‘tkaziladi.