Oliy ta'lim rahbarlari malaka oshiradi

O‘zbekiston prezidentining “Oliy ta'lim muassasalarining rahbar va pedagog kadrlarini qayta tayyorlash va malakasini oshirish tizimini yanada takomillashtirish chora-tadbirlari to‘g‘risida”gi farmoni ijrosi yuzasidaan hukumatning tegishli qarori qabul qilindi.

ushbu qaror OTMlari rahbarlari va yetakchi pedagog kadrlarini qayta tayyorlash mexanizmlarini takomillashtirishga bag‘ishlandi.
Qaror bilan quyidagilar tasdiqlandi:
OTMlarining rahbar va pedagog kadrlarini qayta tayyorlash va ularning malakasini oshirish kurslari to‘g‘risidagi nizom;
O‘zbekiston Respublikasi Vazirlar Mahkamasi huzuridagi OTM rahbar va pedagog kadrlarini qayta tayyorlash va ularning malakasini oshirish, attestatsiyadan o‘tkazish jarayonlarini tashkil etish ishlarini muvofiqlashtirish bo‘yicha idoralararo komissiya tarkibi;

Bazaviy OTMlarining o‘quv-metodik va moddiy-texnika bazasini mustahkamlash, ularni o‘qitishning zamonaviy axborot-kommunikatsiya texnikalar va texnik vositalari bilan ta'minlash bo‘yicha tadbirlar kompleksi.
Yuqoridagi hujjatlar va chora-tadbirlar kompleksi doirasida oliygohlarning pedagoglari va rahbarlari, idoraviy mansubligidan qat'iy nazar, 3 yilda kamida bir marta tegishli yo‘nalish bo‘yicha malaka oshirishi talab etiladi.
Qayta tayyorlash va malaka oshirish kurslari tinglovchilari bepul asosda o‘qitiladi.