21 sentabr kuni O‘zbekiston Davlat jahon tillari universitetida yurtimizdagi Fransiya elchixonasi, Britaniya kengashi hamda Gyote instituti hamkorligida "Nemis, ingliz, fransuz tili o‘qituvchilari uchun respublika malaka oshirish seminarlari"ning ochilish marosimi o‘tkazildi.
O‘zDJTU rektori Shuhrat Qayumov nutqi bilan ochib berilgan marosimda O‘zbekiston Britaniya kengashi rahbari Mark Krossi, Gyote instituti direktori Yulia Xanske hamda Fransiya elchixonasining hamkorlik va madaniyat ishlari bo‘yicha maslahatchisi Olive Giyom so‘zga chiqib seminar ishtirokchilariga omad tiladilar.
3 kun davom etadigan mazkur treninglarda respublikamizning turli hududlaridan tashrif buyurgan 100dan ortiq ingliz, nemis, fransuz tili o‘qituvchilari o‘zlarining til ko‘nikmalarini oshirib, ta'limning yangi metodlarini o‘rganish bo‘yicha malakalarini oshirishlari ko‘zda tutilgan.
Innovatsion ilmiy-amaliy markaz mutaxassislari va hamkor tashkilotlar CEFRni ta'limga tatbiq qilish, darsliklar ishlab chiqish, uzluksiz kasbiy faoliyatni olib borish va til o‘qitishning metodlari haqida uch kun davomida sessiyalar bo‘lib o‘tadi.
