Britaniya bosh vaziri Uinston Cherchillga tegishli bo‘lgan cho‘ntak soati 670 ming yevro (taxminan 746 ming dollar)ga sotildi, deya xabar bermoqda Business Standard. Savdolar Londondagi Sotheby's auksion uyida bo‘lib o‘tdi.
Qayd etilishicha, soatning yakuniy narxi mutaxassislar taxmin qilganidan 8 barobar qimmatroqni tashkil etdi.
Shveytsariya fuqarosi tomonidan shunday soatlarning to‘rt donasi ittifoqdosh davlatlar (Britaniya, Sobiq Ittifoq, Fransiya va AQSh) yetakchilariga ularning Ikkinchi jahon urushidagi faoliyati munosabati bilan sovg‘a qilingan edi. Bunday “g‘alaba” soatlari Cherchilldan tashqari Stalin, Sharl de Goll va Harri Trumenda ham bo‘lgan.
