Gavayilik baliqchi o‘zini tishlagan nahangni savaladi

Gavayilik baliqchi Brekston Rocha uni oyog‘idan tishlab olgan yo‘lbars nahangni garpun bilan savaladi. Bu haqda AR agentligi xabar bermoqda.

27 yoshli yigitning so‘zlariga qaraganda, u qirg‘oq yaqinida bir suv osti g‘orini ko‘zdan kechirayotganida yoniga ulkan nahang kelib qolganini ko‘rgan.

“Uning og‘zi yuzim qarshisida ochiq turardi”, - eslaydi u.

U nahangni itarib yubormoqchi bo‘lgan, lekin dengiz sutemizuvchisi kuchlilik qilib, baliqchining oyog‘idan tishlab olgan.

“U mening oyog‘imni tishlab olganida orqaga chekinib, burniga tushirdim. U oyog‘imni qo‘yib yuborib, suzib ketdi”, - deydi Rocha.

Baliqchi do‘stini chaqirib, favqulodda xizmatlarga murojaat qilishning uddasidan chiqqan. Shundan so‘ng voqea haqida videokamera qarshisida oyog‘idagi tish izlarini namoyish qilgancha gapirib berib, lavhani Instagramga joylashtirgan.