4 oktabr kuni Eronda Saudiya Arabistoniga Haj safariga yo‘l olib, Mino vodiysidagi tiqilinchlikda halok bo‘lganlarning dafn marosimi bo‘lib o‘tmoqda. Bu haqda TASS agentligi xabar bermoqda.
Mamlakatning millionlab fuqarolari ko‘chalarga chiqib, halok bo‘lganlarning tobutlarini yelkalarida ko‘tardilar. Tehron, Mashhad va Gurgon shaharlarining o‘zidayoq yuz minglab odamlar tadbirlarda ishtirok etdi.
Kecha Saudiya Arabistondan Eronga 104 kishining tanasi yetkazilgan edi. Bugun yana 114 marhum yurtiga qaytarildi. Eron tomonning ma'lumotlariga qaraganda, fojia oqibatida mamlakatning 465 fuqarosi qurbon bo‘lgan.
