Kreml: Putin Qozog‘istonga davlat tashrifi bilan boradi

Rossiya prezidenti Vladimir Putin 2015 yilning 15-16 oktabr kunlari Qozog‘istonga boradi. Bu haqda Kreml matbuot xizmati xabar qildi.
15 oktabr kuni Ostonada Rossiya yetakchisining tashrifi munosabati bilan tadbirlar o‘tkazilishi belgilangan.
“Putin va Qozog‘iston prezidenti Nursulton Nazarboyev mintaqaviy va xalqaro kun tartibidagi asosiy muammolarni muhokama qiladi”, - deya qayd etildi xabarda.
Tashrif yakunlariga ko‘ra, qator ikki tomonlama hujjatlar imzolanishi kutilmoqda.
16 oktabrda esa Putin MDH davlatlari rahbarlari kengashi hamda Yevrosiyo iqtisodiy kengashi yig‘ilishlarida ishtirok etadi.
“MDH davlatlari sammitida davlatlar rahbarlari xalqaro muammolar yuzaga chiqarayotgan o‘zaro manfaatlar, shuningdek, gumanitar, huquqni muhofaza qilish va harbiy sohalardagi ko‘p tomonlama hamkorlikni rivojlantirish istiqbollarini muhokama qilib, qator shartnoma va qarorlarni imzolashadi”, - deyiladi xabarda. “Jumladan, BMT tashkil topganining 70 yilligi va xalqaro terrorizmga qarshi kurashish to‘g‘risida bayonot, Chernobil AES halokatining 30 yilligiga bag‘ishlangan murojaatlarni qabul qilish rejalashtirilgan”, - davom ettiradi matbuot xizmati.
Kun tartibida tashkiliy mazmundagi savollar, jumladan, 2016 yilda MDHga rahbarlik masalasi ko‘rib chiqiladi.