XXR raisi Si Tszinpin turmush o‘rtog‘i Pen Liyuan hamrohligida 19 oktabr kuni to‘rt kunlik rasmiy tashrif bilan Britaniyaga yo‘l oladi.
Si Tszinpin safari so‘nggi 10 yil ichida Xitoy yetakchisining Britaniyaga bo‘lgan ilk tashrifi bo‘ladi. Oxirgi marotaba XXRning sobiq raisi Xun Tszintao Birlashgan Qirollikka 2005 yilda tashrif buyurgan edi.
2015 yil mart oyida esa shahzoda Uilyam Xitoyga tashrif buyurib, so‘nggi o‘ttiz yil ichida mamlakatga kelgan ilk britan qirollik oilasining yuqori lavozimli a'zosiga aylangandi. Bundan oldin esa qirolicha Yelizaveta II va uning turmush o‘rtog‘i gersog Edinburgskiy Filipp 1986 yili Xitoyga kelgan edi.
Xitoy rahbari va uning turmush o‘rtog‘i sharifiga haqiqiy qirollik qabuli tashkil etiladi. Si Tszinpin va Xitoyning birinchi raqamli xonimi 19 oktabr kuni Londonning Xitrou aeroportiga yetib keladi va 23 oktabrga qadar Britaniyada qoladi. Xitoylik mehmonlar bu vaqt davomida Bukingem saroyida istiqomat qilishadi.