Hindistonning Panjob shtati shimoli-g‘arbidagi Sangpur shahrida hind askari otishma sodir qildi. U tartibsiz ravishda o‘t ochib, 4 kishini halok qilgan va yana 4 kishini jarohatlagan. Bu haqda Times of India gazetasining elektron nashrida xabar qilingan.
"Ushbu harbiy atrofga tartibsiz ravishda o‘q uzib, oxirida o‘z joniga qasd qildi", deydi mahalliy politsiya boshlig‘i Jaskiranjit Singh Teja.
Ayni vaqtda huquqni muhofaza qilish organlari xodimlari bu voqea bo‘yicha tekshiruv boshlashgan.
Askarning bu harakatiga nima sabab bo‘lgani haqida ma'lumotlar va taxminlar bildirilmagan.
Qayd etish kerakki, Panjob mamlakatning Pokiston bilan chegara qismida joylashgan.