Facebook xodimlari haftasiga bir marta 2G-internetdan foydalanadi

Facebook ijtimoiy tarmog‘i rahbariyati xodimlari uchun “2G-seshanba”larni joriy qilmoqchi. Har haftaning mana shu kuni kollektivga sekin ishlaydigan 2G-internetga o‘tish taklif qilinadi. Business Insider nashrining yozishicha, bundan ko‘zlangan asosiy maqsad ularga Kremniy vodiysi va rivojlanayotgan mamlakatlar bozorlari o‘rtasidagi farqni ko‘rsatib berishdir.

“Men bir narsani his qilganday bo‘ldim... Shubhasiz, men uchun bu chinakam sinovdir – mahsulotning bir qismi sinib qolganday hissiyot”, - dedi birinchi seshanbadan so‘ng ijtimoiy tarmoq bosh muhandisi Tom Elison.

Sekin internet sahifalarni tez yuklash imkonini bermaydi, shu bois Elison va uning xodimlari sekin ishlaydigan internet tarmoqlariga mo‘ljallab yangiliklar tasmasini tuzib chiqishga ko‘p vaqt sarflaydilar.

Kompaniya mutaxassislari ilgari ham shunga o‘xshagan tajribalarga qo‘l urib turishgan. Jumladan, ular 2G-internetda ishlovchi telefonlardan foydalanishadi, yohud Hindiston va Keniya singari davlatlarga safarlar uyushtirishadi.