AQShda boshqaruvdan chiqqan harbiy dirijabl quladi

AQShning Pensilvaniya shtatida mahkamlangan trosi uzilib ketgan razvedkachi harbiy dirijabl quladi. Bu haqda Reuters agentligi xabar bermoqda.
Dirijablning diametri 34 m ni tashkil qilib, u aksilraketa radarlari bilan jihozlangan va havo razvedkasini amalga oshirishga mo‘ljallangan.

Dirijabl Montur okrugida quladi. Jabr ko‘rganlar haqida ma'lumotlar yo‘q.
Ilgariroq dirijabl chiqib ketgan Aberdin poligoni vakillari uni to‘xtatish uchun havoga 2ta F-16 qiruvchisi ko‘tarilganini ma'lum qilgan edi.
Dirijabldan osilib turgan troslar elektr simlarga zarar yetkazib, bir necha ming kishini elektr ta'minotisiz qoldirdi.